ამ პერიოდში თუ გარკვეულ დროს ატარებთ ტელეფონთან ან უყურებთ ტელევიზორს, თქვენ სხვადასხვა წყაროებიდან იღებთ დიდ ინფორმაციას. ამიტომ ახლა, როგორც არასდროს უნდა გახსოვდეთ, რომ ყველაფერი, რაც გესმით არ შეესაბამება სიმართლეს.
იგავების 14:15-ში წერია: “გულუბრყვილოს ყველა სიტყვისა სჯერა, გონიერი კი აკვირდება თავის ნაბიჯებს.”
ყველა, ვინც საუბრობს სოციალურ ქსელებში, ტელევიზორებსა თუ რადიოში, არ ნიშნავს, რომ თითოეული მათგანი ერკვევა არსებულ სიტუაციაში. არ ღირს ყველას ვუსმინოთ, ვინც კორონავირუსისგან გამოწვეულ კრიზისზე საუბრობს. მნიშვნელოვანია, რომ ინფორმაციის წყარო სწორად შეარჩიოთ.
ბევრი ადამიანი კრიზისს იყენებს საკუთარი განზრახვისათვის. ზოგიერთი მათგანი შეეცდება პოლიტიკური თუ ფინანსური სარგებელი მიიღოს ამ გაურკვეველი დღეების ხარჯზე. მათი მოქმედებები გამოიწვევს ინფლაციას, გამოიყენებენ შიშისა და შეთქმულების თეორიას, რათა დააშინონ ხალხი და იძულებით მიაღებინონ დაუფიქრებელი გადაწყვეტილებები. ნუ აჰყვებით ამას!
ბიბლია იგავებში საუბრობს: “წინდახედულის სიბრძნე თავისი გზის შეცნობაშია, ბრიყვთა სიბრიყვე კი – საკუთარი თავების მოტყუებაში.” – იგავები 14:8.
ბიბლიაში არა ერთხელ არის აღნიშნული, რომ განსაკუთრებით, კრიზისის დროს თქვენი გადაწყვეტილებები და მოქმედებები უნდა ეფუძნებოდეს ფაქტებს და არა მცდარ სტატისტიკებს, წინათგრძნობებს, შიშებსა და განცდებს.
ღმერთმა ყველაფერი გიბოძათ, რათა იყოთ ბრძენნი და გონიერნი კრიზისის დროს. თქვენ შეგიძლიათ ყველაფერი მის სიტყვას შეადაროთ და იყოთ დარწმუნებულნი, რომ ის წარგმართავთ ბრძნული გადაწყვეტილებების მიღებისკენ. როგორც იესოს მიმდევრებს, თქვენ გყავთ სულიწმინდა, რომელიც დაგეხმარებათ ყველაფრის შემეცნებაში. ამასთან ერთად, თქვენ გაქვთ ჯანსაღი აზრი, რომელიც ღვთის საჩუქარია და სწორედ ახლა არის დრო, რომ გამოიყენოთ გონიერება და სიფრთხილე.
როგორც იესო ქრისტეს მოწაფეები, ჩვენ უნდა ვიყოთ არა უბრალოდ რწმენის ხალხი, არამედ ფაქტებისაც.